Veslemøy, Garborgs Haugtussa, og folketonane til Magnhild Almhjell syng om mykje av det samme. Kjærleik, kvardag, svik, naturen, dyra, fjellet, det uforklarlige. I denne konserten får du denne musikken presentert av Gåte-vokalist Gunnhild Sundli saman med eit damekor av Straumsnes Songlag, vokalgruppa Røyst, inviterte songarar og musikarane Sturla Eide på fele og Øystein Sandbukt på gitar. Dirigent er Rannveig Eikrem.

Ingunn Solem har skrive nye flotte arrangement for damekor på Ketil Bjørnstad sin musikk til Haugtussa. Mystikken, kjærleiken, begjæret og stemningane er så godt skildra i desse arrangementa. Saman med ein så spanande og dyktig solist gler vi oss på å framføre denne musikken. Gunnhild har vokst opp med musikken til Magnhild Almhjell, fått den inn som barnelærdom igjennom songlærar Anne Kleivset. Saman med dei dyktige musikarane får vi høre Gunnhild sine tolkningar av Magnhild-songane.

Dette blir ein konsert med ei heilt spesiell stemning her i Normoria.

Konserten er støtta av Fyrtårnmidlene til Kulturvekkå i Tingvoll/Sparebankstiftelsen Nordvest, Aktivitetsmidler for kor, TEFT.